Ditën e sotme, në futbollin e Kosovës u regjistrua një ngjarje skandaloze. Në minutat e fundit të sfidës me Gjilanit dher Ballkanit, u godit nga tifozët portierit i këtyre të fundit, Stivi Frashëri.
Gjithçka ndodhi pas golit të barazimit të shënuar nga Enea Koliçi, ku tifozët e Gjilanit u futën në fushë dhe dy prej tyre goditën Frashërin, duke i shkaktuar dëmtime në kokë dhe trup.
Menjëherë pas kësaj, portieri u transportua me urgjencë në spital, për të marrë ndihmën mjekësore.
Së fundmi, klubi i Ballkanit, nëpërmjet një postimi në faqen zyrtare, ka treguar gjendjen e lojtarit, ku thuhet se “fatmirësisht është jashtë rrezikut për jetë ku në urgjencën e spitalit ne Gjilan i ka bërë analizat fillestare, ndërsa është i udhëzuar për të bërë rezonanca shtesë pasi ka shtypje të brendshme.”
POSTIMI I BALLKANIT:
Të dashur tifozë ,
Siç jeni tashme te njoftuar lidhur me incidentin ne ndeshjen ndermjet SC Gjilani dhe FC Ballkani gjeja më e rëndësishmja është mirëqenia dhe shëndeti i Stivi Frasherit.
Lidhur me këtë falenderojmë të gjithë komunitetin sportiv dhe qytetaret e ndershëm për mbështetjen ndaj të sulmuarit Stivi, i cili fatmirësisht është jashtë rrezikut për jetë ku në emergjencen e spitalit ne Gjilan i ka bërë analizat fillestare, ndërsa është i udhëzuar për të bërë rezonanca shtesë pasi ka shtypje te mbrendshme .
Shpresojmë në sherimin sa me te shpejt të gardianit tonë.
Të ju përkujtojmë se SC Gjilani në Suharekë ka marr pikët e plota si mysafir, por asnjëherë nuk i’u është rezervuar pritja e këtill si kjo e sotit pasi ne si klub i kemi raportet shume te mira me të gjitha klubet.
Futbollistët e rivalit tonë të sotshem i përgëzojmë për angazhimin dhe lojën e shfaqur, ndërsa organizimin e ndeshjes derbi i’a lejmë organeve kompetente që të vlerësojnë dhe gjykojnë brenda rregulloreve te FFK-se
Huliganizmi i shfaqur pa përfunduar ndeshja kryesore e kësaj xhiroje askujt nuk i shkon për shtati, andaj ftojmë policin e Kosovës dhe të gjitha institucionet e sigurisë që të bëjnë çmos për të vënë drejtësinë me qëllim që raste te këtilla mos të përseritën asnjëherë.
Faleminderit te gjithë opinionit futbolldashës për reagimet dhe mbeshtetjet.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
