Një ngjarje e rëndë është regjistruar në Austri, ku si pasojë e rënies së një kabine teleferiku u plagosën të paktën 4 persona.
Ngjarja ndodhi në vendskijimin Hochoetz në Tirol në perëndim të Austrisë. Kabina e teleferikut ka rënë nga rreth 7 metra lartësi pasi një pemë besohet të ketë prekur kabllon e saj rreth orës 10:20 të martën në mëngjes.
Operacioni i shpëtimit u përshkrua si jashtëzakonisht i vështirë sepse vendi ishte i pjerrët dhe i vështirë për punëtorët e urgjencës që të arrijnë deri atje.
“Gondola u rrëzua në një zonë shumë të gurtë, megjithëse zinxhiri i shpëtimit funksionoi shumë mirë. Shpëtimtarët arritën shumë shpejt në vendngjarje, por terreni e bëri atë shumë të vështirë dhe helikopterët nuk mund të arrinin atje shumë lehtë”, ka thënë Michaela Burger nga kompania e kabllove.
Mësohet se të plagosurit ishin shtetas danezë. Policia tha se asgjë nuk dukej se ishte teknikisht në gabim me rrugën e teleferikut, të quajtur Acherkogelbahn, dhe nuk kishte prova për ndonjë gabim njerëzor.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
