Pas shumë paknaqësive për ndërprerjen e punës së sektorit të gastronomisë dhe të qendrave tregtare në Kosovë, me qëllim të respektimit të masave antiCovid, pas rritjes së numrit të të infektuarve me Covid-19, është marrë vendim që nga dita e hënë (19 prill) do të rifillojë puna e sektorit të gastronomisë dhe qendrave tregtare duke respektuar më tej masat për mbrojtjen e shëndetit publik.
Kështu u tha sot në takimin koordinues i organizuar nga Ministria e Administrimit të Pushtetit Lokal, Ministrisë së Shëndetësisë dhe kryetarëve të komunave të Kosovës, në lidhje me situatën e krijuar nga pandemia Covid-19.
Sipas një njoftimi për media nga MAPL-ja, Ministri i Shëndetësisë Arben Vitia, që në fillim të takimit, theksoi se qëllimi i këtij takimi është bashkërendimi i veprimeve në mes institucioneve të nivelit qendror dhe atij lokal në parandalimin dhe luftimin e pandemisë COVID-19.
Ai falënderojë kryetarët dhe përfaqësuesit e komunave duke njohur dhe vlerësuar punën dhe angazhimin e tyre për përballjen me situatën pandemike.
Vitia deklarojë se është shumë e rëndësishme që mesazhin që e përçojnë si institucione publike duhet të jetë respektimi i masave që ndërmerren nga institucionet e Kosovës dhe të mos ketë mesazhe dualiste.
“Duhet ta kemi të qartë se situata në institucionet shëndetësore është mjaft alarmante sepse këto institucione janë të stërngarkuara më pacientë të infektuar më COVID 19 dhe hapësira e këtyre institucioneve afër limiteve. Masat e ndërmarra përfundojnë me 18 prill 2021 dhe me 19 prill duhen masa të reja për parandalimin dhe luftimin e pandemisë COVID 19. Është shumë e rëndësishme që sot të diskutojmë bashkërisht që masat që do të hyjnë në fuqi të koordinohen së bashku me nivelin lokal dhe propozimet e juaja si kryetarë dhe përfaqësues të komunave janë shumë të rëndësishme. Prioritet i Ministrisë së Shëndetësisë është furnizimi me vaksina anti-COVID”.
Po ashtu u tha se janë bërë grupe punuese me përfaqësuesit e gastronomëve për të punuar rreth qasjes dhe punës së këtij sektori në të ardhmen.
“Në anën tjetër kemi bërë grupe punuese me përfaqësuesit e gastronomeve për të punuar rreth qasjes dhe punës së sektorit të gastronomisë në të ardhmen dhe aktiviteti i tyre do të rifillojë nga data 19 prill 2021 duke respektuar në përpikëri masat për mbrojtjen e shëndetit publik. Si përfundim duhet theksohet se Republika e Kosovës i ka masat më liberale duke i krahasuar ato me masat e vendeve të rajonit dhe Evropës”, bëhet e ditur në njoftim.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
