Rreth 57 persona, kryesisht fëmijë të vegjël, kanë pësuar helmim nga ushqimi pas një shpërthimi të salmonelës që mund të lidhet me vezët Kinder Surprise. Agjencia e Standarteve Ushqimore në Britani ka njoftuar se disa ngarkesa nga këto lloj çokollatash janë tërhequr për arsye paraprake pasi mund të jenë infektuar potencialisht me salmonelë.
Në total janë raportuar 57 raste të salmonelës dhe më shumë se tre të katërtat e tyre janë raportuar te fëmijë nën moshën pesë vjeçare. Prodhuesi i çokollatës Ferrero, tha se asnjë nga produktet e tij Kinder të lëshuara në shitje nuk kishte rezultuar pozitiv me salmonelë.
“Ne i marrim çështjet e sigurisë ushqimore jashtëzakonisht seriozisht dhe sinqerisht kërkojmë falje për këtë çështje”, tha firma.
FSA tha se Ferrero po tërhiqte vullnetarisht produktet si një masë paraprake dhe shtoi se nuk kishte marrë asnjë ankesë.Vezët e prekura nga tërheqja ishin prodhuar të gjitha në të njëjtën fabrikë në Belgjikë.
Produktet e tjera të prodhuara nga Kinder nuk besohet të jenë të prekura, tha FSA. Agjencia tha në një alarm se hetimet nga organet e shëndetit publik "gjetën një lidhje midis rasteve të raportuara të helmimit nga salmonela në të gjithë Mbretërinë e Bashkuar dhe një produkti specifik të prodhuar nga kompania Ferrero".
Dr. Lesley Larkin, nga Agjencia e Sigurisë Shëndetësore në Mbretërinë e Bashkuar, tha se simptomat e salmonelozës, të cilat mund të përfshijnë diarre, ngërçe në stomak, të vjella dhe ethe, "zakonisht zgjidhen vetë brenda pak ditësh". Ajo tha se simptomat mund të jenë më të rënda, veçanërisht te fëmijët e vegjël dhe ata me sistem imunitar të dobësuar dhe kushdo që ka shqetësime duhet të kontaktojë mjekun e tyre të përgjithshëm.
Simptomat mund të jenë më të rënda, veçanërisht te fëmijët e vegjël dhe ata me sistem imunitar të dobësuar dhe kushdo që ka shqetësime duhet të kontaktojë mjekun e tyre të përgjithshëm. Salmonela mund të përhapet nga personi në person, kështu që Dr Larkin këshilloi këdo me simptoma që të lajë duart tërësisht dhe të shmangë trajtimin e ushqimit të njerëzve të tjerë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
