Plazhet në jug të vendit janë thuajse të boshatisura gjatë ditëve të javës, ndërsa operatorët turistikë i mbajnë shpresën tek fundjava.
Gazetari Edi Ruçi raportoi për edicionin e lajmeve në MCN TV se operatorët turistikë Vlorë deklarojnë se fundjava mbetet e vetmja shpresë për mbijetesë për operatorët e jugut, kur këtë fundjavë është mbushur thuajse 70% e strukturave hoteliere.
Ndërsa nga e hëna në të enjte, vetëm 30% e këtyre dhomave janë të prenotuara.
Çmimet kanë pësuar rritje, një çadër me dy shezlonë në plazhet e Vlorës vitin e kaluar fillonte nga 5 mijë në 15 mijë lekë të vjetra.
Sivjet ka kaluar në 25000 lekë.
Ka patur rritje të produkteve në bare dhe restorante, duke filluar nga kafja, produkte të ndrushme ushqimore, rritje të qirasë së dhomave për banesa dhe ato hoteliere.
Vitin e kaluar paguhej mesatarisht 40 euro për një dhomë me qira.
Sivjet kanë shkuar në 60-70 euro për një natë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
