Koalicioni “Bashkë Fitojmë” pretendon se patronazhistët e Partisë Socialiste kanë dalë në terren për të shantazhuar qytetarët e Kukësit, teksa sot votojnë për kryebashkiakun e ri.
“BF” ka publikuar disa materiale (foto) ku shefi i Urbanistikës, Andrin Shehu; drejtori i Kadastrës Lad Spahiu; doganieri Luan Duraku; drejtoresha e Postës Shqiptare Migena Gjici, drejtoresha e një gjimnazi Vjollca Gashi shfaqen pranë qendrave të votimit duke takuar qytetarët.
Patronazhistët e Rilindjes sot janë në kye të detyrës, edhe pse në kundërshtim me ligjin. Drejtorë shkollash, Hipotekës, apo dhe institucioneve të tjera, janë në krye të detyrës , për të devijuar dhe kontrolluar votat. Ata janë fotografuar në qendërat e votimit. KQZ e thotë qartë se nuk lejohen me kodin zgjedhor brenda ambienteve të qendrave të votimit. Ne do t’i paraqesim në OSBE-OHDIR faktet dhe provat, dhe në prokurori të gjitha këto raste të patronazhistëve. Pa zgjedhje të lira, nuk ka zgjedhje", shprehet përfaqësuesi i "BF".
Në garë për kreun e bashkisë Kukës janë Albert Halilaj i propozuar nga Partia Socialiste dhe Emri Vata, kandidat i propozuar nga koalicioni “Bashkë Fitojmë”.
45 mijë 946 qytetarë kanë të drejtë vote, në 74 Qendra Votimi, në të gjithë qarkun e Kukësit. Kujtojmë që Presidenti Begaj shpalli datën e zgjedhjeve të pjesshme lokale në Kukës pas dorëheqjes së Safet Gjicit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
