Dorian Duçka, ish-këshilltari i jashtëm pa pagesë i kryeministrit Rama është paraqitur sot në SPAK.
Kujtojmë që emri i Duçkës doli në çështjen e ish-agjentit të FBI-së, Charles McGonigal.
Në një raportim për edicionin e lajmeve në MCN TV, gazetari Andon Kello bën me dije:
Ish-këshilltari i Jashtëm pa pagesë i kryeministrit Rama, Dorian Duçka, është paraqitur sot në SPAK. Informacionet aktualisht janë të cunguara, pasi nuk dihet pse është thirrur Dorian Duçka. Nëse i referohemi çështjes McGonigal Prokuroria e Posaçme nuk ka nisur asnjëherë një procedim penal. Megjithatë Duçka përmendet në aktakuzën amerikane, si një njeri që ka qenë urë lidhëse mes kryeministrit Rama dhe Charles McGonigal, në dy vizitat e tij në Shqipëri, por edhe takimet në SHBA”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
