Bashkimi Evropian nuk beson se Siria është e sigurt për t'u kthyer refugjatët sirianë, thanë zyrtarët në Bruksel lidhur me përpjekjet e Rusisë për të kthyer refugjatët në një vend të shkatërruar nga lufta, duke i bërë thirrje bashkësisë ndërkombëtare që të kontribuojë në rindërtimin e saj.
Ministrat e Jashtëm evropianë do ta diskutojnë këtë çështje gjatë takimit të tyre në Austri brenda javës.
Zyrtarët e BE presin që blloku të qëndrojë në linjën e saj se nuk do të ofronte para për rindërtim për aq kohë sa Presidenti sirian Bashar al-Assad - mbështetur përsëri në pushtet nga ushtritë ruse dhe iraniane - nuk lejon që opozita të ndajë pushtetin.
Presidenti rus Vladimir Putin tha më parë këtë muaj, para takimit me kancelaren gjermane Angela Merkel, se duhet mundësua kthimi i refugjatëve sirianë në shtëpitë e tyre.
"Por nuk ka kushte të tilla, Rusia dëshiron që ne të paguajmë për të, por Siria dhe Assadi nuk janë të sigurta", tha një zyrtar i BE.
BE mbështet grupet e opozitës siriane në konfliktin e armatosur që zgjat prej më shumë se 7 vitesh dhe që ka përfshirë shumë personazhe.
Zgjatja në vite ka ardhur kryesisht për shkak të mos gjetjes së dakordësisë nga ana e forcave ndërkombëtare dhe rajonale rreth mënyrës sesi do të përfundojë ky konflikt i armatosur.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
