Kuvendi i së shtunës, Shehu: I hap rrugë zgjedhjes së kryetarit të PD, brenda majit

Deputeti demokrat Tritan Shehu flet për Kuvendin e Partisë Demokratike, i parashikuar për tu mbajtur të shtunën më 30 prill.

Duke folur për MCN Live, ai tha se Kuvendi i 30 prillit, është shumë i rëndësishëm pasi do i hapë rrugën edhe zgjedhjes së kryetarit të ri të Partisë Demokratike, sipas parimit një anëtar një votë.

Zgjedhja e kryetarit do të bëhet brenda muajit maj, siç u zgjodhën edhe kryetarët e degëve të partisë. 

Të gjithë kandidatët dolën nga baza, askush nuk u hoq apo shtua nga qendra. Kështu do të zgjidhet dhe kryetari i Partisë Demokratike në muajin maj, mbas Kuvendit të PD që do të zhvillohet nesër.