Shalsi: Shqipëria ka sot një President të denjë, më në fund Presidenca do kthehet në normalitet (Video)

Deputeti socialist Eduard Shalsi, e quan lajm të mirë për Shqipërinë, zgjedhjen e Bajram Begaj si President.

Për MCN Tv, ai tha se vendi ka tashmë një President të ri i cili erdhi pas një procesi që hera herës është vënë në pikëpyetje.

U provua se ishte proces i duhur që nga konsultat me grupet dhe shoqërinë civile. Kushdo që mendonte se do kishte një emër dinjitoz e pati atë mundësi.

Shqipëria ka sot një President të denjë me të gjitha atributet që duhet të mishërojë njeriu që do të duhet të përfaqësojë unitetin e popullit, për të rikthyer dinjitetin e institucionit.

Më në fund Presidenca do kthehet në normalitet pas një periudhe të rrëmujshme kaotike.