Policia greke ka arrestuar sot 5 persona, mes tyre një shqiptar, si pjesë e një organizate kriminale të trafikut ndërkombëtar të drogës Shqipëri-Greqi-Europë Veriore.
Pas një operacioni të mirëorganizuar në bashkëpunim me Anti-drogën e Janinës, u bë e mundur prangosja e 4 grekëve dhe shqiptarit, mes tyre dhe një femër 57 vjeçe. “BalkanWeb” mëson se janë identifikuar dhe shpallur në kërkim 3 shtetas të tjerë, 24, 45 dhe 60-vjec.
Në këtë organizate janë pjesëmarrës dhe 17 shtetas të tjerë, nga të cilët 9 aktualisht në burg. Kjo organizate u godit sot në kufirin greko-shqiptar në zonën e Janinës, ku u kap një sasi droge prej 89 kg 50 gram marijuanë dhe 150 gram vaj hashashi e fshehur në një rulotë në kufi.
Bëhet e ditur se droga kishte destinacion Europen Veriore. Sakaq, në cilësinë e provës materiale u sekuestruan dhe 12.270 euro, 3 makina, 1 rulotë, 1 armë gjahu, 1 pistoletë, etj. Kjo organizatë ka lidhje edhe me 5 raste të tjera, operacione gjatë se cilave policia greke ka sekuestruar 654 kg 970 gram marijuanë të kapur në muajt mars, prill dhe maj.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
