Ish-ministri i Jashtëm, Paskal Milo, sheh një ulje të toneve mes Ukrainës dhe Rusisë ditët e fundit dhe këtë e shpjegon me vënien në lëvizje të asaj që njihet si diplomaci e fshehtë. Në studion e lajmeve në MCN TV, Milo tha se palët mund të kenë hyrë në rrugën e zgjidhjes.
Është një strategji përplasjeje mes dy botëve, botës perëndimore dhe Rusisë. Si e tillë, në këtë përplasje po përdoren të gjitha mjetet dhe mënyrat për të dëmtuar imazhin e kundërshtarit. Në deklaratat zyrtare, sidomos ato të Bidenit, është e shkruar që më parë. Përveç lojës së nervave, tani ka gjithnjë e më shumë elementë të një diplomacie të fshehtë që kërkon ta përfundojë konfliktin dhe t’i çojë palët në tavolinë. Zelensky po tërhiqet nga çështjet kryesore për të cilat u bë lufta. Ai ka deklaruar se është gati të ulet në bisedime me Putinin dhe të diskutojë për statusin e Donjetskut dhe Luhanskut. Janë në rrugën për të gjetur një zgjidhje.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
