Një ngjarje e rëndë është shënuar në fshatin francez Saint-Just, ku tre xhandarë humbën jetën dhe një i katërt u plagos teksa ndërhynë të shpëtonin një grua nga “duart e burrit”. Policët ishin thirrur pak pas mesnatës për të ndihmuar gruan, e cila për t’i shpëtuar dhunës së bashkëshortit të saj, kishte gjetur strehë në çatinë e një shtëpie.
Kur arritën policët pas sinjalizimit të marrë, burri i saj, 48 vjeç, hapi zjarr ndaj tyre. 48-vjeçari i armatosur fillimisht, qëlloi dhe vrau një oficer dhe plagosi një tjetër. Sipas prokurorit Clermont-Ferrand, edhe dy oficerë të tjerë u qëlluan për vdekje. Ndërkohë, gruaja e dhunuar arriti të shpëtohej.
“Po merren masa më të mëdha në lidhje me rrezikun e individit”, është shprehur grupi hetimor. Duket se personi i armatosur është i njohur për autoritetet për akuzat në lidhje me çështjet e kujdestarisë së fëmijëve. Zjarrfikësit gjithashtu shkuan në vendin e ngjarjes duke u përpjekur të kontrollojnë zjarrin në banesë, të cilës autori i vuri flakën pasi qëlloi për vdekje xhandarët.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
