Një hoxhë nga Drenasi i Kosovës ka tërhequr vëmëndjen e të gjithëve, pasi e ka falur namazin e Fitër Bajramit i veshur me veshje tradicionale.
Xhematit të cilët ishin mbledhur për të kryer këtë ritual fetar islam, ju drejtua Hoxha, Faruk Hoxha, i veshur me tesha kombëtare.
Në vend të çallmës (kapele) dhe xhybes (mantel i gjatë), ky hoxhë që nga paraqitja duket i ri në moshë, kishte vënë plis dhe jelek e pantallona nga teshat kombëtare.
Imami i xhamisë së fshatit shpjegon se mesazhi që deshi të përcjellë tek xhemati i xhamisë dhe tek populli i tij ishte se “ne nëse nuk ndihemi krenar me të kaluarën tonë nuk do të kemi krenari as me të ardhmen e vendit tonë”.
Kjo paraqitje i ka befasuar besimtarët pasi nuk është diçka e cila ndodh shpesh.
Vitin e kaluar, muaji i shenjtë i Ramazanit përkoi me kulmin e pandemisë së koronavirusit, dhe ceremonitë e faljes u zhvilluan duke respektuar masat anti Covid vetëm nëpër xhamitë e vendit dhe nuk pati grumbullime në shesh.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
