Troket pranvera/ Gjoni: Hyjmë në ditët me rritje temperaturash. Javë me diell dhe mot të kthjellët (VIDEO)

Java e parë e marsit parashikohet kryesisht me diell e vranësira kalimtare deri të dendura, sipas meteorologes Anira Gjoni.

Për “MCN live”, ajo pohon se po hyjmë në ditët me rritje graduale të temperaturave, por reshje lokale te shiut sot në dy qarqe të vendit.

Moti gjatë javës së parë të marsit do të na përcjell me temperatura në ngritje. Një rritje graduale e temperaturave të cilat do të kulmojnë të premten dhe te shtunën.

Mot i ngrohtë dhe kryesisht me rritje të vlerave prej 2-3 °C .

Temperaturat presim të shënojnë minimalet 8 °C dhe max.15 °C gjatë ditës. Në zonat malore, minimalet do të shënojnë -2°C dhe max. 8°C kurs enë zonat e ulëta min.4°C dhe max.deri në 16°C.

Java do të shënohet me diell dhe i kthjellet, kurse reshjet lokale te shiut do të shënohen sot pasdite vetëm në qarkun e Gjirokastrës dhe të Vlorës.

Meteorologia Gjoni, parashikon që java e dytë e marsit do të jeta akoma me e nxehtë se ajo e para.

Java e dytë e marsit, 10-17 mars do të shënoj rritje të temperaturave dhe të jetë më i ngrohte se java e parë, teksa në javën e tretë priten rënie të temperaturave por pa ndikim në kthjelltësi.