Shtetet e Bashkuara të Amerikës i janë bashkuar në Vienë fuqive botërore të cilat po diskutojnë ringjalljen e marrëveshjes bërthamore të Iranit, të cilën administrata e Trump e braktisi në vitin 2018.
Ndryshe nga paraardhësi i tij, presidenti Joe Biden, ka thënë se dëshiron të kthehet në marrëveshjen historike.
Gjashtë palët e ulura në tryezë duhet të gjejnë një mënyrë që Amerika të heqë sanksionet e vendosura nga Trump për Iranin, që kjo e fundit të kthehet në kufijtë e rënë dakord për programin bërthamor.
Irani ka thënë se nuk do të takohet me SHBA ballë për ballë derisa të ndodhë kjo.
Zyrtarët e lartë amerikanë që marrin pjesë në takimin e Austrisë thuhet se janë të akomoduar në një hotel tjetër nga ai që pret delegacionin e Iranit dhe fuqive të tjera botërore si Kina, Franca, Gjermania, Rusia dhe Britania. Ndërkohë zyrtarët evropianë po veprojnë si ndërmjetës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
