Mbi 50 organizata të shoqërisë civile dhe përfaqësues të fushave të ndryshme i kanë drejtuar Komisionit Europian katër pyetje në lidhje me ndryshimet e premtuara në Ligjin për Zonat e Mbrojtura dhe përputhshmërinë e tij me standardet e BE-së.
Ata kërkojnë sqarime nëse qeverisë shqiptare do t’i kërkohet një plan për ndryshimin e ligjit, nëse do të ketë masa korrigjuese në procesin e integrimit dhe çfarë hapash do të ndërmerren për rekomandimet e Parlamentit Europian.
Aktivistja e Lëvizjes Bashkë, Mirza Bala, tha se letrës i janë bashkuar edhe katër eurodeputetë. Ajo tha se janë katër pyetjet me të cilat i janë drejtuar KE-së.
Pse shqiptarët e mbështesin kaq fort integrimin? Sepse është rruga më e sigurtë për një shtet funksional.
Letra jonë është e fokusuar te si do t’i qaset BE ligjit për zonat e mbrojtura dhe pyetjet kanë të bëjnë me procesin legjislativ.
Pyetja e parë është a do t’i kërkojë komisioni qeverisë një plan konkret për ndryshimin e ligjit.
Pyetja e dytë është që nëse edhe në progres raportin 2026, akoma nuk është bërë ky ndryshim, atëherë duke qenë se ky ligj është konsideruar regres, a do të ndërmarrë komisioni masat që parashikohen në formulën e zgjerimit. Këto masa parashikojnë edhe rishikim të procesit të anëtarësimit.
Pyetja e tretë është se si do t’i qasen kërkesës së rezolutës së 17 qershorit nga PE që i kërkonte qeverisë shqiptare moratorium për projektet në zonat e mbrojtura. Këtu kemi një kërkesë specifike nga ligjvënësi europian dhe është e nevojshme të ketë një përgjigje.
Pyetja e katërt, duke qenë se lufta është luftë me kohën, atëherë pyesim kur do të shprehet komisioni. A do të pritet raporti 20/26 apo do të ketë një më të hershëm?
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
