Presidenti Meta dekreton Sandër Lleshajn ministër të Brendshëm, reagon Rama (VIDEO)

Në limitet e përfundimit të afatit kushtetues, presidenti I republikës Ilir Meta ka firmosur dekretin për emerimin e Sandër Lleshaj, ministër i Punëve të Brendshme

Kjo ishte hera e dytë që emri i Sandër Lleshajt qëndronte në tavolinën e kreut të shtetit për dekretim, pasi herën e parë e refuzoi. 

Por dekretimi i Sandër Lleshajt u paralajmërua mesditën e sotme, pasi presidenti Meta pranoi dorëheqjen e gjeneral Sandër Lleshit si ushtarak aktiv.

Vendimi për dekretim erdhi pas më shumë se dy javësh debate mes dy institucioneve, Kryeministrisë dhe Presidencës për propozimin e kreut të qeverisë që emëronte Lleshajn në krye të  Ministisë së Brendshme. 

Në propozimin e parë Meta u shpreh vetëm me një letër të thjeshtë ku shkruante se nuk kishte krijuar bindjen për ta dekretuar. Ndërkohë në propozimin e dytë, Meta kërkoi informacione shtesë për Lleshajn. Informacione të cilat lidheshin me statusin e tij si gjeneral dhe me mbiemrin.

Sandër Lleshaj u propozua ministër i Brendshëm nga kryeministri Edi Rama në datën 27 tetor, pas dorëheqjes së papritur të Fatmir Xhafajt nga ky post. 

Pas mosdekretimit nga ana e Presidentit, kryeministri Rama e emëroi Sandër Lleshajn zv/ministër, por me kompetencat e ministrit. 

Tani zyrtarisht, Sandër Lleshaj do të mbajë postin e ministrit të Brendshëm, dhe pas kësaj procedurë, ai do të bëjë betimin në Parlament.

Por pas dekretimit nga ana e presidentin i menjëhershëm ka qenë edhe reagimi i kryeministri Edi Rama.

Në një postim në rrjetin social Twitter, Rama shkruan se dekretimi i Sandër Lleshit ministër i brendshëm, një shembull kuptimplotë i faktit se ka gjithmonë një rrugëzgjidhje nëse ka vullnet të mirë.

“Dekretimi i Sandër Lleshit ministër i brendshëm, një shembull kuptimplotë i faktit se edhe kur duket, sikur krisjet janë të pariparueshme a thyerjet të pashmangshme, ka gjithmonë një rrugëzgjidhje nëse ka vullnet të mire”, shkruan Rama.