Parlamenti nis të hënën sesionin e ri me senacën që është parashikuar të mbahet pasdite në orën 17:00. Në këtë sesion të ri do të formohet KQZ-ja e re si dhe nëse do të gjendet dakordësia mes PS dhe PD në Këshillin politik, do të implemtohen në Kodin Zgjedhor hapja e listave dhe koalicionet parazgjedhore, të miratuara në fund të korrikut.
Seanca e parë pritet të jetë formale dhe në përputhje me protokollet anti-Covid.
Më 23 korrik, Kuvendi miratoi me 99 vota pro, 6 kundër dhe 4 abstenim, marrëveshjen e 5 qershorit, mes PS-PD-LSI-së dhe opozitës parlamentare.
Ndërsa në seancën e fundit, atë të datës 30 korrik, Kuvendi miratoi ndryshimet kushtetuese që lidhen me procesin e reformës zgjedhore, duke vendosur përfshirjen e listave të hapura për zgjedhjet parlamentare. Marrëveshja e arritur mes PS dhe opozitës parlamentare u miratua me 106 vota pro dhe 10 kundër.
Implementimi i këtyre marrëveshjeve do të karakterizojë në këtë fillim sesioni punën e Kuvendit, i cili aktualisht ka 122 deputetë, pas dorëzimit vitin e kaluar të mandateve nga partitë opozitare.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
