Kryeministri izraelit Benjamin Netanyahu kritikoi në mediat sociale homologun e tij kanadez Justin Trudeau pasi ai i kërkoi Izraelit të tregojë "përmbajtje maksimale" në operacionet e tij ushtarake në Gaza.
Në komentet pak përpara një njoftimi të qeverisë, Trudeau tha se bota ishte dëshmitare e ngjarjeve të tmerrshme, duke përfshirë "këtë vrasje të grave dhe fëmijëve, të foshnjave".
"Kjo duhet të ndalet," shtoi Trudeau.
“Tragjedia njerëzore që po shpaloset në Gaza është pikëlluese, veçanërisht vuajtjet që shohim brenda dhe përreth spitalit Al-Shifa. Unë kam qenë i qartë se çmimi i drejtësisë nuk mund të jetë vuajtja e vazhdueshme e të gjithë civilëve palestinezë”, tha Trudeau.
"Edhe luftërat kanë rregulla, e gjithë jeta e pafajshme është e barabartë në vlerë, izraelite dhe palestineze. Unë i bëj thirrje qeverisë së Izraelit të ushtrojë përmbajtje maksimale," shtoi ai.
Netanyahu kundërshtoi komentet e Trudeau në "X", dikur Twitter, duke thënë se Hamasi ishte fajtor për ngjarjet e tmerrshme që citoi Trudeau, jo Izraeli.
“Nuk është Izraeli ai që targeton qëllimisht civilët, por Hamasi që u preu kokën, dogji dhe masakroi civilët në tmerret më të këqija të kryera mbi hebrenjtë që nga Holokausti”, shkroi Netanyahu.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
