Kancerlarja gjermane, Angela Merkel, ka ftuar për një vizitë në Berlin presidentin e Turqisë, Recep Tayyip Erdogan.
Lajmin e bën të ditur "Anadolu Agency", sipas të cilës vizita parashikohet pas zgjedhjeve të 24 qershorit.
Ministri i Jashtëm i Turqisë, Mevlut Çavusoglu, i cili gjendet në Gjermani për të marrë pjesë në ceremoninë e përkujtimit të përvjetorit të fatkeqësisë së Solingenit, tha se kancerlarja gjermane ka ftuar presidetin Erdogan në Berlin pas zgjedhjeve të 24 qershorit.
Mësohet se ftesa është bërë gjatë takimit në ceremoninë përkujtimore në Düsseldorf, kryeqyteti i shtetit Nordrhein-Westfalen.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
