Xhamia e një komuniteti të vogël shqiptarësh në Gebenstorf, Baden, Zvicër, ka pushuar imamin e saj, me dyshimin se ishte radikalizuar. Në fjalën e lamtumirës që ai mbajti të dielën, në xhami plasi rrëmuja.
“E kishim këtë dyshim prej gjashtë muajsh. Ne nuk kemi asgjë për të fshehur”, ka thënë për “Aargauer Zeitung” zëvendëspresidenti i komunitetit islam shqiptar, Ibrahim Murseli.
Por sipas drejtuesit të xhamisë, nuk ka prova konkrete, thjesht supozime. Drejtuesit e xhamisë kanë zbuluar se gjatë verës, imami ka vizituar disa imamë të radikalizuar në Shkup.
Për këtë, ata kanë kërkuar largimin e imamit, i cili nuk e ka pritur mirë këtë kërkesë. Gjatë fjalimit të lamtumirës të dielën në xhami, disa besimtarë i kanë dalë në mbrojtje dhe situata ka dalë jashtë kontrollit.
Dhuna që ka shpërthyer në xhami e ka detyruar policinë të ndërhyjë dhe të kontrollojë 90 persona. Dy besimtarë kanë përfunduar në spital për shkak të plagëve të marra.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
