Një shqiptar ka mbetur i plagosur me armë zjarri, gjatë një atentati të kryer ndaj tij në portin e Lakkës në Paxos, ku ndodhej me pushime.
Të paktën 10 plumba u qëlluan drejt shqiptarit, duke bërë që të mbetet i plagosur rëndë.
I plagosur ka mbetur 51-vjeçari Andrea Kalemi, ndërkohë që policia ka identifikuar si të dyshuar një tjetër shqiptar i cili banon në Itali.
51-vjeçari u dërgua në spitalin e Janinës ku ndodhet në gjendje të rëndë nën kontrollin e mjekëve.
Mësohet se i plagosuri ndodhej me pushime me familjen, por në momentin e ngjarjes ishte i vetëm.
Lidhur me këtë rast hetimet janë në vijim për të zbuluar më shumë mbi dinamikën e atentatit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
