Teksa Irani ka shpallur 5 ditë zie për vdekjen në aksidentin ajror të presidentit Raisi, ka dhe nga ata që e shohin këtë ngjarje si një frymëmarrje për popullin iranian.
Qindra iranianë në ekzil u mblodhën përpara ambasadave në Berlin dhe Londër me parulla kundër regjimit të ajatollahëve dhe presidentit tashmë të ndjerë.
Mes protestuesve, shumica nga Këshilli Kombëtar i Rezistencës së Iranit, kishte nga ata që e cilësonin këtë ditë si një festë, teksa mbanin parulla në duar me foton e Raisit me një kryq përsipër.
Raisi, i cili shihej prej kohësh si pasardhës i mundshëm i liderit suprem Ayatollah Ali Khamenei, u vra në një përplasje helikopteri në një terren malor pranë kufirit me Azerbajxhanin.
Helikopteri po transportonte gjithashtu ministrin e Jashtëm Hossein Amirabdollahian dhe gjashtë pasagjerë të tjerë, të cilët po ashtu humbën jetën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
