Yuri Kim nisi sot zyrtarisht punën si ambasadore e SHBA-ve në Tiranë.
Kim ishte paradite në Presidencë për të paraqitur letrat kredenciale.
Lajmin e bën të ditur kreu i shtetit, përmes një postimi në “Facebook”, në të cilin thekson se SHBA-të mbeten partner strategjik, i pazëvendësueshëm për Shqipërinë.
"I kënaqur të prisja dhe të pranoja Letrat Kredenciale të Ambasadores së re të SHBA, znj.Yuri Kim. SHBA një partner strategjik, i pazëvendësueshëm për Shqipërinë. Së bashku të përballojmë me sukses sfidat që ka vendi. Zoti e bekoftë miqësinë shqiptaro-amerikane"
Yuri Kim mbërriti në Tiranë javën e kaluar, rreth dy javë pasi bëri betimin në Departamentin Amerikan të Shtetit.
"Jam e nderuar dhe i kënaqur që jam në Shqipëri dhe jam e gatshme t’i përvishem punës", citohej ajo në një postim të Ambasadës Amerikane një ditë pas mbërritjes në Tiranë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
