Një 19-vjeçar shqiptar është gjetur i vdekur në një liqen në Gjermani. Bëhet fjalë për Xhoi Musaj, me banim në landin NordrheinWestfalen. Policia dyshon se ai ka humbur jetën si pasojë e dhunës, shkruan Agjencia Gjermane e Lajmeve, DPA.
Siç shkruan Albinfo.ch, trupi i pajetë i të riut është parë nga disa persona që po peshkonin në liqen, të cilët kanë lajmëruar policinë.
Pas ekspertizës mjeko-ligjore është bërë e ditur se shkaku i vdekjes ka qenë dhuna brutale e ushtruar mbi të riun.
Sipas policisë, i riu shqiptar ka qenë me banim në Steinfurt të landit NordrheinWestfalen. Nga mesi i prillit ai kishte ardhur me tren në drejtim të Gjermanisë së jugut (Baden Württemberg).
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
