Presidenti ukrainas Volodomyr Zelensky është përpjekur të qetësojë popullatën për mungesat e karburantit, të cilat ai thotë se kanë çuar në radhë dhe rritje të çmimeve në shumë rajone.
Duke folur të premten në mbrëmje, ai tha se rusët kishin shkatërruar qëllimisht infrastrukturën e prodhimit, furnizimit dhe magazinimit të karburantit, si dhe kishin bllokuar portet.
"Nuk ka zgjidhje të menjëhershme për të rimbushur deficitin. Por zyrtarët e qeverisë premtojnë se brenda një jave, maksimumi dy, do të sigurohet një sistem furnizimi me karburant në Ukrainë që do të jetë në gjendje të parandalojë një deficit," tha ai.
Ai tha se kjo ishte një "detyrë e vështirë" pas një sulmi rus në një rafineri nafte këtë javë në Kremenchuk në Ukrainën qendrore.
Në një deklaratë, ministri ukrainas i ekonomisë tha se Kievi kishte siguruar kontrata me furnizuesit evropianë të karburantit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
