Një burrë 58-vjeçar bëhet pacienti i dytë në botë i cili i nënshtrohet në transplanti zemre, duke marrë zemrën e një derri të modifikuar gjenetikisht, zhvillimi më i fundit në fushën e kërkimit mjekësor.
Transplantimi i organeve nga kafshët tek njerëzit, i njohur si ksenotransplantimi, mund të ofrojë një zgjidhje për mungesën kronike të organeve të dhuruara.
Ky operacion u krye nga ekspertë të Shkollës së Mjekësisë të Universitetit të Maryland, SHBA.
Pacienti i parë që iu nënshtrua një transplanti të tillë vdiq dy muaj pas transplantimit për shkak të “një sërë faktorësh përfshirë gjendjen e tij të pasigurt shëndetësore”, para operacionit, tha universiteti në një deklaratë të premten.
Operacioni i dytë ndodhi të mërkurën e kaluar. Lawrence Faucette, nuk mundi të merrte zemër njeriu për shkak të një problemi vaskular paraekzistues dhe disa komplikimeve.
Pa këtë operacion, veterani i Marinës, babai i dy fëmijëve, ishte afër dështimit të zemrës.
“Shpresa ime e vetme është të jem në gjendje të vazhdoj me një ksenotransplant, në fund të fundit tani e kam një shans”, tha burri para transplantit.
Pas transplantimit, Faucette merr frymë pa ndihmë dhe zemra e tij e re funksionon pa mbështetje mekanike, tha universiteti.
Ndërkohë ai po i nënshtrohet terapisë kundër refuzimit të organit nga trupi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
