Presidentja e Kosovës Vjosa Osmani deklaroi në takimin me Escobar dhe Lajçak se zgjedhjet e reja në 4 komunat në Veri mund të organizohen në përputhje me kornizën aktuale kushtetuese e ligjore.
Sipas njoftimit nga Presidenca, në takim Osmani “ka shprehur përkushtimin e plotë që të punohet së bashku me partnerët ndërkombëtarë në mënyrë që në veri të vendit të sundojë rendi e ligji dhe të ruhet sovraniteti i Republikës së Kosovës”.
Kryetarja e shtetit ka theksuar se e vetmja rrugë për stabilitet të qendrueshëm dhe afatgjatë është ndëshkimi i grupeve kriminale dhe individëve që përdorën dhunë ndaj policisë, gazetarëve, pjesëtarëve të KFOR-it, EULEX-it dhe qytetarëve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
