Duke folur mbi çështjen “Beleri”, kreu i PBDNJ Vangjel Dule e konsideroi si “rrëmbim” dhe jo ndalim, arrestimin e tij pak ditë para zgjedhjeve. Dule theksoi në emisionin “Arnautistan” se nuk ka fakte dhe prova në dosjen ‘Beleri’. “Është një paranojë, dhe në një paranojë janë të gjitha që nuk shkojnë. Nuk kemi ndalim, por rrëmbim të z.Beleri, një pengmarrje. Ishte një rrëmbim personi që ndodhi pa shkak dhe arsye. Në bazë të asnjë prove. Pretendohet se ishte arrest në flagrancë. Në korpusin e vet shkresa thotë ‘i dyshuar’. Flagranca presupozon fakt të kryer, ndërsa dyshimi do të thotë tjetër gjë. Beleri ishte me avokatin e tij dhe kushëririn e tij. Kë po blinte?! Avokatin apo kushëririn?! S’kemi asnjë fakt dhe asnjë provë. Kemi një inskenim, që nisi nga kreu i Policisë së Shtetit në Himarë. Kjo ishte faza e dytë. I parapriu përgatitja e terrenit që fatkeqësisht nis nga kryeministri i vendit. Në 6 maj Rama përdori një arsenal shumë më fyes dhe denigures, bullizëm, intimidim dhe terma të papranueshme”, tha Dule.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
