Një virus që e kalojmë në fëmijëri mund të shkaktojë Alzajmer

<p>Citomegalovirus (HCMV), një agjent infektiv me të cilin pothuajse të gjithë ne jemi të infektuar në fëmijëri, mund të luajë një rol në Alzheimer duke udhëtuar nga zorrët e njerëzve me një infeksion kronik të zorrëve HCMV në trurin e tyre nëpërmjet nervit vagus. Ky konkluzion ka dalë nga një studim i Universitetit Shtetëror të Arizonës dhe Institutit Banner Alzheimer, i botuar në Alzheimer's &amp; Dementia: The Journal of the Alzheimer's Association.</p> <p>Megjithatë, autorët nënvizojnë se vetëm kur infeksioni është intestinal, gjendet kjo lidhje me Alzheimerin. Sipas studimit, te disa njerëz virusi mund të mbetet në gjendje aktive në zorrë dhe prej andej të arrijë në tru, ku mund të modifikojë sistemin imunitar dhe të kontribuojë në ndryshime të tjera që lidhen me sëmundjen e Alzheimerit.</p> <p>&nbsp;Nëse konfirmohet, kjo hipotezë mund të sugjerojë se barnat ekzistuese antivirale mund të trajtojnë ose parandalojnë të paktën disa raste të Alzheimerit. Ekspertët aktualisht po zhvillojnë një test gjaku për të identifikuar njerëzit që kanë një infeksion aktiv HCMV dhe që mund të përfitojnë nga barnat antivirale. "Ne mendojmë se kemi gjetur një nëntip biologjikisht unik të Alzheimerit që mund të përbëjë 25% deri në 45% të njerëzve me këtë sëmundje," shpjegon autori i parë, Ben Readhead. “Ky nënlloj i Alzheimerit ka një profil të veçantë biologjik të viruseve, antitrupave dhe qelizave imune në tru.”</p> <p>Në studimin e tyre, studiuesit gjetën antitrupa specifikë kundër HCMV si në zorrët ashtu edhe në lëngun spinal të pacientëve. Ekspertët e gjetën HCMV në nervin vagus të të njëjtëve subjekte, që do të thotë mundësi e shtuar që kështu virusi të udhëtojë në tru. Gjetjet e studimit u konfirmuan në një grup të pavarur pacientësh me Alzheimer.</p> <p>Për të studiuar më tej ndikimin e këtij virusi, ekipi hulumtues më pas përdori modele të qelizave të trurit të njeriut për të demonstruar aftësinë e virusit për të nxitur ndryshime molekulare të lidhura me sëmundjen e Alzheimerit. Ekspozimi ndaj virusit rriti prodhimin e proteinave amiloide të fosforiluara dhe tau dhe kontribuoi në degjenerimin dhe vdekjen e neuroneve.</p>