Presidenti amerikan Donald Trump dhe ai francez Emmanuel Macron kanë nisur takimin dypalësh në Shtëpinë e Bardhë, mbi situatën në Ukrainë.
Bisedimet vijnë në një moment pasigurie të thellë për të ardhmen e marrëdhënieve transatlantike, ku presidenti Trump po transformon politikën e jashtme amerikane ndërsa kërkon t’i japë fund shpejt luftës në Ukrainë.
Presidenti amerikan Donald Trump deklaroi para gazetarëve se lufta në Ukrainë mund të përfundojë brenda pak javësh nëse jemi të zgjuar".
"Unë mendoj se lufta [në Ukrainë] mund të përfundojë së shpejti, brenda javësh, nëse jemi të zgjuar," u tha Trump gazetarëve në Zyrën Ovale.
"Nëse nuk jemi të zgjuar, do të vazhdojë...ne nuk e duam këtë," thotë ai, duke shtuar: "Mos harroni atë që thashë, kjo mund të përshkallëzohet në një luftë të tretë botërore, ne nuk e duam as atë.
Trump ndau një telefonatë të fundit me presidentin rus Vladimir Putin gjatë së cilës liderët ranë dakord të fillonin negociatat për t'i dhënë fund luftës në Ukrainë.
Trump tha se Vladimir Putin do të pranojë paqeruajtësit evropianë në Ukrainë si pjesë e një marrëveshjeje të mundshme për t’i dhënë fund luftës së Rusisë në Kiev.
Trump u pyet nëse ai beson se Ukraina do të duhet të heqë dorë nga territori si pjesë e çdo negociate paqeje. “Ne do të shohim,” u tha ai gazetarëve. “Është një negociatë që sapo ka filluar”.
Rimarrja e tokës ukrainase të pushtuar nga Rusia, shtoi ai, “nuk është një gjë e lehtë për t’u bërë”.
Trump tha gjithashtu se Vladimir Putin do të pranojë paqeruajtës evropianë në Ukrainë nëse dhe kur të përfundojë lufta një sugjerim që Kremlini e ka thënë vazhdimisht se e kundërshton.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
