Kapet për herë të parë nga afër imazhi i yllit përtej Rrugës së Qumështit

Astronomët kanë kapur imazhin e parë nga afër të një ylli përtej galaktikës sonë, të marrë gjatë një momenti dramatik afër fundit të jetës së yllit.

Në të, ylli "behemoth" duket se fryn gazin dhe pluhurin, një hap i fundit kritik përpara se të shpërthejë në një supernova.

Ylli, i njohur si WOH G64, është 160,000 vite dritë nga Toka në Renë e Madhe të Magelanit, një galaktikë e vogël fqinje që rrotullohet rreth Rrugës së Qumështit.

Studiuesit e bënë fotografinë duke përdorur Interferometrin shumë të madh të teleskopit të observatorit Jugor Evropian, i vendosur në shkretëtirën Atacama të Kilit.

Imazhi, i kombinuar me vëzhgimet e WOH G64 gjatë dekadës së fundit, u ka dhënë astronomëve mundësinë për të dëshmuar momente kyçe gjatë ciklit të dhunshëm të jetës së një ylli.

"Për herë të parë, ne kemi arritur të marrim një imazh të zmadhuar të një ylli që po vdes në një galaktikë jashtë Rrugës sonë të Qumështit," tha autori kryesor i studimit Keiichi Ohnaka, një astrofizikan.

WOH G64 është një yll supergjigant i kuq 2000 herë më i madh se dielli ynë, gjë që ka bërë që astronomët ta quajnë atë "ylli behemoth".

Gjatë fazave të fundit të jetës së tyre, supergjigantët e kuq hedhin shtresat e jashtme të gazit dhe pluhurit, një proces që mund të zgjasë për mijëra vjet.

Shkencëtarët e zbuluan për herë të parë yllin në vitin 1981. Me kalimin e kohës, van Loon ka parë se shkëlqimi i yllit ndryshon, duke sugjeruar se ai po ndryshonte nga një supergjigant masiv i kuq në një yll më të vogël dhe më të nxehtë.

Shkencëtarët krahasuan vëzhgimet e fundit të bëra nëpërmjet GRAVITY me ato të mëparshme, duke zbuluar se ylli është zbehur ndjeshëm gjatë dekadës së fundit.