Dy orë pas një sulmi ajror në Idlib të Sirisë, nga rrënojat është nxjerrë e gjallë një foshnje njëmuajshe, njoftoi agjencia zyrtare turke e lajmeve, Anadolu Agency (AA).
Nëpunësi i Mbrojtjes Civile, Ebu Hilfe, i përlotur, tha se fëmija u gjet nën rrënojat në katin e katërt të ndërtesës që ishte në shënjestër të sulmit.
“E pamë në katin e katërt. Ishte gjallë. Arritëm ta nxjerrim dy orë pas sulmit. Kjo është foshnje njëmuajshe. Mund të vdiste. Nuk ka lëndime të rënda, falë Zotit. Kur e pashë menjëherë m’u kujtua vajza ime. Menjëherë e mora në krahë si vajzën time. Kjo është diçka që nuk mund të përshkruhet”, tha Abu Hilfe, i përfshirë nga emocionet dhe lotët.
Sulmet e forcave besnike të presidentit sirian Bashar al-Assad janë intensifikuar kohët e fundit në Idlib dhe në zonat e kontrolluara nga opozita.
Besohet se emri i fëmijës është Hamide Matuk, megjithatë, ende nuk është konfirmuar zyrtarisht.
Nën rrënoja janë nxjerrë trupat e shtatë personave. Prindërit e foshnjes ende nuk janë gjetur.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
