Anija kozmike Starship pa pilot e SpaceX, e zhvilluar për të transportuar astronautët në Hënë dhe më gjerë, arriti në hapësirë për herë të parë sot, por tentativa dështoi disa minuta më vonë.
Kjo ishte përpjekja e dytë, pas shpërthimit që ndodhi në përpjekjen e parë për të realizuar fluturimin në hapësirë.
Anija kozmike dykatëshe u nis mëngjesin e së shtunës nga baza e nisjes Starbase e kompanisë së Elon Musk pranë Boca Chica, Teksas, gjatë një fluturimi të planifikuar 90-minutësh në hapësirë.
Komunikimi i transferimit të të dhënave nga anija kozmike u humb rreth 10 minuta pas nisjes, njoftoi SpaceX .
Kompania e Musk këmbëngul se këto defekte gjatë fazave të hershme të zhvillimit të raketës janë të mirëpritura dhe se ndihmojnë në drejtimin më të shpejtë të zgjedhjeve të projektimit të testeve tokësore. Qëllimi i misionit të sotëm ishte arritja e një orbite të ngushtë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
