Ish-kryeministri i Japonisë, Shinzo Abe, ka ndërruar jetë, pasi është qëlluar me armë zjarri teksa mbante një fjalim në qytetin Nara. Abe ishte në kulmin e fushatës elektorale, pak ditë para zgjedhjeve, kur u qëllua me armë gjatë një tubimi.
Megjithatë, atentati duket se nuk ka lidhje me politikën. Përmes një komunikimi me Skype, Medlir Mema, pedagog në Universitetin e Tokios, u tha MCN TV se shkak për atentatin mund të jetë bërë ndonjë problem i mundshëm personal apo çrregullim psikik i autorit.
Mendohet që autori në fjalë ka pasur diçka personale. Abe edhe në të kaluarën edhe si kryeministër ka argumentuar që Japonia duhet të jetë pak më e vendosur në politikën e jashtme.
Është ende herët për të aluduar. Mediat janë shumë të kujdesshme. Njihej identiteti i autorit, por media ka qenë stoike deri në konfirmim të plotë. Bëhet fjalë për zgjedhjet e dhomës së lartë.
Nuk besoj se lidhet me zgjedhjet dhe me fushatën. Mund të jetë një çrregullim psikik i individit apo diçka tjetër. Japonia ka rregulla strikte për armëmbajtjen, autori e ka përgatitur në shtëpi armën, një lloj çifteje.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
