Dita e parë e punës së ministres së Mbrojtjes, Olta Xhaҫka, ka nisur me një gafë nga stafi i ministrisë.
Në njoftimin e shpërndarë në faqen zyrtare të Ministrisë së Mbrojtjes shkruhet se, sot e ka marrë detyrën ministrja e re Mimi Kodheli, që në fakt sot Mimi Kodheli e ka lënë detyrën si Ministre e Mbrojtjes.
“Ministrja e re e Mbrojtjes znj. Mimi Kodheli mori sot detyrën pas ceremonisë së betimit të ministrave të kabinetit të ri qeveritar.
Znj. Olta Xhaçka bëri betimin në Presidencë bashkë me kryeministrin, z. Edi Rama dhe pjesën tjetër të anëtarëve të Këshillit të Ministrave.
Pas ceremonisë së betimit në Presidencë, ministrja e Mbrojtjes, znj. Olta Xhaçka mori detyrën, të cilën ia dorëzoi paraardhësja e saj, znj. Mimi Kodheli.
Znj. Olta Xhaçka është e dyta femër që zgjidhet ministre e Mbrojtjes, pas znj. Mimi Kodheli, e cila drejtoi për 4 vite me radhë këtë dikaster të rëndësishëm të shtetit shqiptar”, thuhet në deklaratën e Ministrisë së Mbrojtjes. / dritare.net /
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
