Brazil, 7 të vdekur e mbi 100 të zhdukur nga shpërthimi i digës, pak shpresë për të mbijetuar (VIDEO)

Shtatë trupa të pa jetë janë gjetur, ndërsa të paktën mbi 100 të tjerë mbeten ende të zhdukur pasi një dige minerare që i përkiste gjigandit minerar u shemb në Brazil në zonën e Minas Gerais, duke lëshuar një valë mbetjesh hekuri, duke rritur alarmin për përhapjen e një ndotje të madhe.

Shefi i emergjencave Col. Edgar Estevão tha se kishte shtatë të vdekur, nëntë të plagosur dhe 100 njerëz ishin shpëtuar nga deti i baltës që ishte lëshuar nga diga, sipas faqes së lajmeve G1. Brigada e emergjencave beson se rreth 150 njerëz mungojnë deri më tani por autoritetet i druhen frikës për numrin e lartë të viktimave shkruan Guardian. 

Guvernatori i shtetit, Romeu Zema, u tha gazetarëve të premten se ai nuk priste shumë të mbijetuar. "Ne e dimë tani se shanset për të pasur të mbijetuarit janë minimale dhe se ne ndoshta do të bëjmë shpëtimin e trupave".

Televizioni brazilian tregoi imazhet e të mbijetuarve duke u ndihmuar për sigurinë e tyre nga një helikopter pas fatkeqësisë në minierën Feijão pranë Brumadinho, më pak se dy orë nga kryeqyteti i shtetit, Belo Horizonte.

Ndërsa videot dhe fotografitë e shkatërrimit të shkaktuar nga rrëketë e baltës përfshinin rreth mediave sociale, brazilianët e inatosur kërkuan dënim për cilindo që ishte përgjegjës.

Incidenti vjen më pak se katër vjet pasi një digë tjetër e mbeturinave u rrëzua në Minas Gerais, duke vrarë 19 njerëz në atë që ishte fatkeqësia më e keqe mjedisore e Brazilit. Kjo digë ishte operuar nga Samarki, i cili në kohën e katastrofës ishte gjysma në pronësi të Vale, si dhe gjiganti minerar anglo-australian BHP Billiton.

Shefi ekzekutiv i Vale, Fabio Schvartsman, u tha gazetarëve të premten se një digë që përmbante mbetje minerale hekuri, të njohura si mbeturina, ishte shmebur. Ministria e mjedisit e Brazilit kishte thënë më parë se tre diga ishin përfshirë në këtë fatkeqësi. 

"Shumica e të prekurve ishin punonjës të Vale", tha ai. "Jam i mërzitur plotësisht nga ajo që ndodhi".

Ndër të zhdukurit ishin 100 punëtorë që kishin ngrënë drekë në një zonë administrative kur u godit nga një përrua llumi dhe uji, tha një zëdhënës i forcave të shpëtimit.

Diga në afërsi të minierës së hekurit Feijao shpërtheu barrierën e saj rreth orës lokale 13:00 të premten (25 janar), duke përmbytur një digë tjetër më poshtë.

Kjo shkaktoi që një llum i madh balte të fundoste kompleksin e digës dhe lagjen pranë ku jetojnë shumë punonjës, duke shkatërruar shtëpi dhe automjete.

Dhjetëra njerëz të bllokuar, shumë prej tyre të mbuluar me baltë, u evakuan me helikopter pasi rrugët ishin shkatërruar. Shumë banorë të tjerë janë evakuuar si masë sigurie.

Nuk është e qartë se çfarë e shkaktoi hapjen e digës, në pronësi të kompanisë më të madhe minerare të Brazilit.

Presidenti Jair Bolsonaro u tha gazetarëve në Brazilia se ai do të fluturojë në Minas Gerais, "kështu që ne mund të rivlerësojmë përsëri dëmin dhe të marrim të gjitha masat e arsyeshme për të minimizuar vuajtjet e të afërmve dhe viktimave, si dhe çështjen mjedisore".

Bolsonaro ka sulmuar agjencitë e mjedisit duke përfshirë Ibama për mbajtjen e zhvillimit me atë që ai e përshkruan si kërkesa të tepërta të licencimit dhe mbështeti lirimin e minierave në rezervat indigjene të mbrojtura .