Forcat e Mbrojtjes së Izraelit thonë se deri më tani kanë vrarë më shumë se 90 persona të armatosur të Hamasit në operacionin që po zhvillojnë në spitalin Al-Shifa të qytetit të Gazës.
Trupat eliminuan terroristët dhe gjetën armë në zonën e spitalit
Nga ana tjetër, protestuesit nga Forumi i Familjeve të Pengjeve bllokuan sërish unazën e Tel Avivit këtë mëngjes për t'i kërkuar qeverisë së kryeministrit Benyamin Netayahu të bëjë më shumë për lirimin e familjarëve të tyre të mbajtur rob në Gaza.
Një nga tabelat e ngritura gjatë protestës, në të cilën binte në sy fytyra e Netanyahut, shkruhej: “Mos u ktheni nga Katari pa marrëveshje”.
Sekretari amerikan i Shtetit Antony Blinken ka udhëtuar sot drejt Arabisë Saudite për të marrë pjesë në përpjekjet ndërmjetësuese për një armëpushim në Gaza.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
