Skandali i mbetjeve të kompanisë “Kurum” ka sjellë një operacion masiv të Prokurorisë së Durrësit, i cili përfundoi me 33 masa arresti. Çështja lidhet me 816 tonë mbetje të rrezikshme, që prej muajsh qëndrojnë në Porto Romano pas raportimeve të organizatave ndërkombëtare.
Gazetarja Ola Xama, e ftuar në emisionin “Të paekspozuarit”, deklaroi se me këtë skandal, Shqipëria u fut në hartën e trafikut ndërkombëtar të mbetjeve.
Edhe pse hetimi zgjati, kemi 33 masa sigurie për një grup personash dhe kompani të përfshirë në trafikimin e mbetjeve të rrezikshme. Ajo që të bën përshtypje, kush i ka monitoruar mbetjet e një prej ndotësve më të mëdhenj në Shqipëri, Kurum? Nëse ka një industri të rëndë në Shqipëri që ndot, është Kurum. Çdo hap kontrolli, ka dështuar. Bëheshin raporte periodike. Kemi parë edhe një dorë kompanish private të përfshira dhe të angazhuara në trafikimin e mbetjeve.
Shikojmë se një kompani, e cila është investitor i huaj në Shqipëri që nga viti 1998, është favorizuar dhe toleruar nga institucionet shqiptare dhe, në kurriz të industrisë së përpunimit të hekurit, ka fituar miliona euro.
Kjo skemë ka përfshirë edhe kompani të tjera private dhe, për pasojë, Shqipëria është bërë pjesë e vendeve të përfshira në trafikun ndërkombëtar të mbetjeve.
Në fakt, ky ishte hapi që na mungonte për t’u renditur mes vendeve që kryejnë këtë lloj trafiku.
Nga ana tjetër, shohim që i gjithë zinxhiri institucional, doganat, kapiteneria e portit, autoriteti portual, ministria e mjedisit, agjencisë mjedisore, policia, janë të gjitha të përfshira.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
