Një zjarr i madh shpërtheu në qendër të Milanos, i shkaktuar nga shpërthimi i bombolave të oksigjenit që ndodheshin në një furgon të parkuar në rrugë.
Mediat italiane raportojnë për një të plagosur që ka marrë dëmtime në dorë.
Nga zjarri i shkaktuar janë përfshirë 5 automjete të parkuara. Një ndërtesë dhe një kopsht fëmijësh u evakuuan.
Bombolat ishin të destinuara për një farmaci në katin e parë, e cila u përfshi nga flakët, bashkë me një apartament në katin e dytë të një pallati. I plagosuri ishte drejtues i furgonit ku ndodhi shpërthimi. Rrugët përreth godinës janë mbyllur për të lejuar ndërhyrjen e zjarrfikësve.
"Dëgjova shpërthimin - tha një i ri që mbërriti në vend - unë jetoj këtu, humba motorin dhe makinën time të cilat morën flakë, hyra në ndërtesë për të marrë macet e mia por kishte shumë tym". Në vendngjarje ka mbërritur edhe zv/prokurorja Tiziana Siciliano me disa hetues të ekipit të policisë gjyqësore për kontroll.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
