Është mbyllur sot procesi i shqyrtimit të aplikantëve fillestar nga BKH për t’u bërë pjesë e trupës së saj.
Nga 653 aplikantë 229 janë skualifikuar, ndërsa për më tej kanë vijuar 424 të tjerë. Të kualifikuarit për të garuar për hetues të BKH-së do t’i nënshtrohen tashmë testit të arsyetimit logjik me shkrim.
Këtë proces të dytë ata do ta zhvillojnë më 14 tetor në Pallatin e Kongreseve për gjithë kandidatët e mbetur në garë.
NJOFTIMI NGA BKH
Komisioni i Përzgjedhjes në datë 12.10.2020, mbylli procesin e shqyrtimit të aplikimeve fillestare dhe përzgjedhjes së kandidatëve, për fazat e mëtejshme të konkurrimit.
Komisioni i Përzgjedhjes shqyrtoi 653 aplikime, ku u kualifikuan 424 kandidatë dhe 229 kandidatë nuk kaluan në fazën tjetër.
Për të parë listën me kandidatët e kualifikuar, shkarkoni listën e kandidatëve që gjendet në LINK 1, bashkëlidhur.
Kandidatët e kualifikuar, në datën 14.10.2020, do t`i nënshtrohen Testit të Arsyetimit Logjik me shkrim.
Testi i Arsyetimit Logjik do të zhvillohet në Pallatin e Kongreseve, udhëzimet mbi zhvillimin e testit gjenden në LINK 2, bashkëlidhur.
Falenderojmë gjithë aplikantët që shprehën vullnetin për të marrë pjesë në këtë konkurrim.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
