Nuk reshtin operacionet kundër organizatës së Fetullah Gylenit, klerikut që është shpallur nga presidenti turk Erdogan si “krijues i shtetit paralel”
Policia e Turqisë ka arrestuar 11 punonjës të një organizate joqeveritare të themeluar për të ndihmuar studentët, ndërsa nën dyshimin se kanë përkrahur grupin e Fetullah Gylenit.
Siç bën të ditur televizioni publik turk TRT, të dyshuarit kanë pasur nën kontroll studentë nga universitetet private, kolegjet dhe shkollat e larta të cilët u kanë shërbyer atyre pasi më herët i kanë stërvitur për lëndët e provimeve shtetërore duke i sistemuar në polici, ushtri dhe institucione të tjera të shtetit.
Policia e Bursës zbatoi aksionin e arrestimeve në zyrat e OJQ-së dhe shtëpitë private, pasi në periudhën e fundit katër mujore kishte kryer hetime intensive.
Hetimet për "shtetin paralel" të nisura në vitin 2014-të kanë rezultuar me qindra shërbyes civilë të arrestuar, përfshirë policë dhe prokurorë publikë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
