Jerusalem- Arkeologët izraelitë, të cilët janë në garë me kërkuesit e thesarëve në shpellat pranë Detit të Vdekur, kanë zbuluar një mori artefaktesh, duke përfshirë fragmente të një teksti biblik.
Gjetjet, të ruajtura nga ajri i nxehtë dhe i thatë i shkretëtirës, përfshijnë gjithashtu skeletin pjesërisht të mumifikuar të një fëmije 6,000-vjeçar dhe një shportë të thurur imët, të përkryer e të paprekur që daton 10,500 vjet me parë tha Autoriteti i Antikiteteve të Izraelit tha të Martën. Sipas të gjitha gjasave është edhe më e vjetra në botë.
Autoriteti ka mbikëqyrur një studim të më shumë se 100 km (65 milje) të shkëmbinjve dhe shpellave të gdhendura ose të gërryera në to.
Fragmentet e pergamenës, rreth 2,000 vjet të vjetra, mbajnë vargje biblike, të shkruar në greqisht dhe që përputhen me një pergamene të zbuluar rreth 60 vjet më parë, të quajtur "Libri i 12 Profetëve të Vogël".
Kjo pergamene është e përbërë nga një varg tekstesh antike hebraike të quajtura Pergamenet e Detit të Vdekur që u gjetën në 1947 nga beduinët vendas në shpellat e Qumran, rreth 20 km në lindje të Jeruzalemit.
Koleksioni, i cili përfshin tekstet e zbuluara në një vend tjetër përgjatë bregut perëndimor të Detit të Vdekur, siguroi një dritare në shoqërinë dhe fenë hebraike para dhe pas kohës së Jezusit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
