Prokurorja e Përgjithshme e Përkohshme, Arta Marku zhvilloi pasiten e sotme (10 janar) një takim me ambasadoren e Bashkimit Europian në vendin tonë Romana Vlahutin.
Takimi i Markut me ambasadoren zgjati rreth 50 minuta dhe vjen edhe në një moment kur institucionet e Prokurorisë ne rrethe janë përfshirë nga një valë ndryshimesh.
Burime për "TemA Tv" nga delagacioni i BE në vendin tonë, bëjnë me dije se takimi u bë në kuadër të komunikimt të rregullt për çeshtjet e sundimit te ligjit (shtetit ligjor) me zyrtaret përgjegjës të institucioneve relevante. Sundimi i ligjit përbën një prioritet absolut për axhendën evropiane të Shqipërisë, përfshirë zbatimin e reformës në drejtësi dhe luftën kundër krimit të organizuar dhe korrupsionit.
Ky është takimi i parë i Kryeprokurores me Vlahutin që prej marrjes së detyrës. Marku më herët ka takuar edhe ambasadorin amerikan Donald Lu, por edhe ambasadorë të tjerë të akreditur në vendin tonë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
