Të paktën nëntë persona, mes të cilëve një vajzë e vogël, kanë humbur jetën pasi një varkë u mbyt në zonën malteze SAR, raportojnë mediat italiane.
Gjashtë persona u dërguan në spital, gjendja e të cilëve është kritike ndërsa 23 të mbijetuar të tjerë u dërguan në ishullin italian Lampedusa.
Nga dëshmitë e para që policia arriti të merrte, në varkë po udhëtonin 46 emigrantë nga Guinea, Burkina Faso, Mali dhe Bregu i Fildishtë, të cilët u larguan të dielën në mbrëmje nga Sfax në Tunizi.
Një ditë më parë, një tjetër tragjedi detare u shënua në ujërat greke. Një gomone që transportonte emigrantë të paligjshëm u fundos, ku për pasojë humbën jetën tre vajza të mitura.
19 persona u shpëtuan, mes tyre tetë fëmijë, më i vogli prej të cilëve vetëm 30 ditësh.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
