Një zjarr i madh ka shpërthyer në një fabrikë të baterive të litiumit në Korenë e Jugut.
Njëzet trupa janë gjetur nga zjarrfikësit deri më tani, njoftoi agjencia e lajmeve Yonhap, ndërsa kërkimet vazhdojnë.
Më shumë se 100 persona po punonin në fabrikën në qytetin Hwaseong, në jug të kryeqytetit Seul, kur punëtorët dëgjuan një seri shpërthimesh të cilat vinin nga kati i dytë, ku inspektohen dhe paketohen bateritë litium-jon, njoftoi brigada e zjarrfikësve.
78 persona u shpëtuan, por shumë të tjerë rezultojnë ende të zhdukur. Yonhap raportoi se rreth 20 trupa u gjetën pasi ekipet e shpëtimit në fund arritën të hynin.
Rreth 35.000 qeliza baterish u ruajtën në fabrikë në katin e dytë dhe të tjera në zona të tjera. Bateritë e litiumit digjen shpejt dhe janë të vështira për t’u kontrolluar me metodat konvencionale të shuarjes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
