Dyzet e një njerëz vdiqën në më pak se 24 orë nga shirat e rrëmbyeshëm që përfshinë pjesën më të madhe të Angolës në fillim të kësaj jave.
"Moti i keq midis mesnatës dhe orës 16.00 të së hënës shkaktoi gjithsej 41 vdekje", tha ministri i Brendshëm angolan Eugenio Laborinho në një konferencë shtypi në kryeqytetin Luanda. Pothuajse 12 mijë njerëz u prekën nga shirat e dendur që "shkaktuan përmbytje, shkatërrim të infrastrukturës dhe plantacioneve", sipas raporteve të Ministrisë së Brendshme. Në veçanti, shirat shkatërruan 378 shtëpi dhe 12 kisha, shkaktuan dëme serioze në mbi 2 mijë shtëpi dhe dëmtuan katër ura në dymbëdhjetë nga tetëmbëdhjetë provincat e territorit të Angolas. Shirat gjithashtu shkaktuan ndërprerje të energjisë dhe komunikimit. Zyrtarët thanë se këto reshje shiu vijnë pas një viti "thatësie të pashembullt" në jug të Angolës, thatësi e cila ka vrarë mbi 30 mijë bagëti në vend.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
