Greqia është përballur vetëm gjatë ditës së sotme me 29 vatra zjarri, bën me dije Shërbimi Zjarrfikës atje. 24 zjarre u shuan me shpejtësi, ndërsa zjarrfikësit janë ende duke luftuar me 5 të tjerë.
Zjarri në Rethymno të Kretës, i cili filloi rreth mesditës, është zgjeruar në tre fronte.
Një alarm urgjent është lëshuar për banorët në Apodoulou që të qëndrojnë në gatishmëri. Më herët, një alarm evakuimi u dërgua në fshatin e vogël Agia Paraskevi dhe një tjetër u kërkoi banorëve dhe vizitorëve në Chordaki dhe Agios Joannis të qëndronin vigjilent.
Policia po kontrollon derë më derë në Agia Paraskevi për të siguruar që banorët, veçanërisht të moshuarit, të jenë evakuuar.
“Zjarri ka arritur në disa oborre të shtëpive. Pjesa e përparme është e madhe, ku digjen fusha dhe ullishte”, thanë autoritetet lokale.
Në operacione janë përfshirë 190 zjarrfikës, 45 automjete, pesë helikopterë ujëhedhës dhe dy avionë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
