Nga dhjetori qytetarët e Montpelier-it në Francë nuk do të paguajnë biletë për transportin me autobusë dhe tramvaje

Për herë të parë, një metropol i madh francez nuk do t'i tarifojë më përdoruesit e transportit publik.

“Në orën 19:00, në 21 dhjetor premtimi im i fushatës 2020 do të jetë efektiv. transporti do të jetë falas në metropolin e Montpellier”, tha kryetari i bashkisë Michael Delafosse.

Montpellier dhe tridhjetë komunat përreth tij kanë kaluar disa faza drejt këtij projekti për transportin.

Fillimisht qytetarët nuk paguanin për transportin gjatë fundjavave. Më pas, në shtator të 2021 u vendos që ata që ishin nën 18 dhe ata mbi 65 vjeç nuk do të  paguanin gjatë gjithë javës. 

Hapi i fundit premton të jetë shumë i kushtueshëm, metropoli po heq dorë nga 30 milionë deri në 35 milionë euro të ardhura nga ky shërbim.